Meiri snilld

Ritsnilldinni  á  mbl.is  eru engin takmörk sett .

Þetta er frá í dag:

Írum hefur ekki fjölgað meira í aldarfjórðung en ríflega helmingi fleiri fæðingar eiga sér stað í landinu en andlát. Þá hefur innflytjendum í landinu jafnframt fjölgað.

Samkvæmt upplýsingum frá írsku hagstofunni kemur fram hafa 64.237 börn fæðast á árinu en 27.479 hafa látist. Fjölgunin hefur ekki mælst meiri frá árinu 1982.

Geri aðrir betur !

Fé, um fé, frá fé, til ....

Góðvinur  benti mér á þessa snilld í  Morgunblaðinu í dag:

Hrútur: Nú ertu á réttri braut! Viðskiptaandinn hefur náð tökum á þér, og þú færð nýjar hugmyndir um hvernig afla má fés. Þú græðir mest á því að hafa fastan kúnnahóp.

Fjölmiðill á fallanda fæti

 Mér hefur alltaf verið heldur hlýtt  til Morgunblaðsins. Jafnvel  borið  svolitla  virðingu  fyrir því. Það hefur verið gott blað, traustur fréttamiðill vandur að virðingu sinni.   Nú virðist sem  verulega hafi verið slakað á  gæðakröfum í ranni Morgunblaðsins. Mogginn er   fjölmiðill á fallanda fæti  Málfari á vef blaðsins og jafnvel í blaðinu sjálfu hefur hrakað mjög . Bögubósar vaða uppi.Prófarkalestur varla  til.Þetta er slæmt. Ekki skánar það,   þegar blaðið  flytur  fréttir,  sem  eru í meginatriðum rangar. Steininn tekur úr, þegar  skrifaður er leiðari þar sem lagt er út af  hinni  röngu frétt. Þar var reynt að koma því inn hjá almenningi að slakað hafi verið á öryggiskröfum hjá  Icelandair. Verst finnst mér, að blaðið  skuli ekki birta afsökunarbeiðni, þegar  talsmaður Icelandair hefur  af hógværð og  kurteisi bent á  að   Morgunblaðið hafi farið rangt með. Þannig  getur  fjölmiðill,  sem  vill  vera marktækur, ekki komið fram  gagnvart lesendum sínum. Morgunblaðið er ekki óskeikult og það á  að  viðurkenna það.  Ég hef  meira  að segja  einhversstaðar  hrósað Morgunblaðinu fyrir að birta  leiðréttingar ,sem  ljósvakamiðlar gera helst  ekki, nema  farið sé  rangt með  nöfn. Hafi leiðrétting Morgunblaðsins farið fram hjá mér, þá skal þetta auðvitað  dregið  til baka. “Dyr á  farþegavél Icelandair opnuðust...” , sagði Morgunblaðið. Hið rétta var að  lúga 30x60 sm  neðan til á  skrokki vélarinnar, alls ótengd farþegarými hafði opnast.”  Þótt þetta óhapp hafi orðið, sem  flugmenn brugðust rétt við og engin athugasemd  hefur verið gerð  við, hef ég  ekki nokkra  trú á að slakað hafi verið á öryggiskröfum hjá  Icelandair. Það er  hinsvegar deginum ljósara, að mjög hefur verið slakað á  gæðakröfum hjá  Morgunblaðinu. Þetta var einfaldlega   illa  unnin  frétt og  enn verri leiðari.Lesendur blaðsins eiga betra skilið.

Meiri snilld

Það  skortir hvorki skýra hugsun  né  stílsnilld hjá sumum þeirra sem skrifa fréttir á  Moggavefinn  mbl.is.

Eftirfarandi mátti lesa þar í morgun:

“Má nú segja að engin laxveiðiánna næst höfuðborgarsvæðinu hafi ekki orðið fyrir barðinu á veiðiþjófum í sumar,” 

Kannski finnst þeim þetta bara allt í lagi.

 

 

"Shut down"

Þegar ég slekk á tölvunni á kvöldin býður hún mér skipunina "Shut down". Mér hefur alltaf fundist að  það ætti frekar að vera "Shut up".

Hrein snilld

Ekki að  spyrja að málfarslegum metnaði mbl.is

Í stuttri frétt  um gleðskap, sem fór úr böndunum, er tvisvar notað orðið "ölvunarástand".

Af hverju ekki  að skrifa  bara "ölvun" ? Það  dugar. 

150 manna unglingapartý leyst upp

HVER FYLGIST MEÐ RARIK ?

Það er  góðra gjalda vert hjá  viðskiptaráðherra að  láta fylgjast sérstaklega með verðlagi hjá Hitaveitu Suðurnesja eftir að einkafyrirtæki eignaðist þriðjung fyrirtækisins. 

En hvað með  RARIK,sem  einu sinni hét Rafmagnsveitur ríkisins  og  skreytir sig  nú með   viðbótinni ohf - opinbert hlutafélag?  Ég er einn af viðskiptavinum RARIK. Fyrir  einu ári greiddi  ég  fyrirtækinu að jafnaði innan  við  fimm þúsund krónur á mánuði. Fyrir sömu þjónustu greiði ég nú krónur   sjö þúsund og  fimmhundruð , eða  50%  hærra gjald  en í fyrra.

Sú breyting hefur þó orðið á,að nú greiði ég  ekki aðeins  til RARIK heldur  og til einhvers, sem  heitir Orkusalan ehf ,-  einkahlutafélag. Hvað hefur breyst? Hversvegna  50% hækkun ?

Það  þarf greinilega  líka  að vernda  neytendur  fyrir  hrammi  einokunarfyrirtækja  í ríkiseigu,- eða hvað?

Einmitt það !

"Að sögn landhelgisgæslunnar lítur út fyrir að alda hafi tekið klifrarann með sér í sjóinn."

Einmitt það. Sannarlega vel að  orði komist !!!

Einmitt það

"Að sögn landhelgisgæslunnar lítur út fyrir að alda hafi tekið klifrarann með sér í sjóinn."

Sannarlega vel að komist !!!

Heimsfrægur klifrari týndur

Mogginn er ekki dagblað

Fyrir  býsna löngu  var ég staddur á mannamóti þar sem  voru allmargir blaðamenn áamt fleira  fólki. Man ég þá , að   doktor Ármann Snævarr,sem þá var háskólarektor,   varpaði fram  þeirri spurningu hvað  væru mörg  dagblöð á Íslandi.

Menn fóru að telja.  Fimm,var svarið.  Fjögur  morgunblöð og  eitt síðdegisblað (Alþýðublaðið, Morgunblaðið, Tíminn, Vísir  og  Þjóðviljinn)   Nei,  sagði, Ármann Snævarr. Það er  ekkert   dagblað á íslandi. Það er ekkert blað sem kemur út alla  sjö  daga vikunnar. Hárrétt.

Þetta rifjaðist upp  fyrir mér um  fimmleytið í dag , þegar   sunnudagsmogga var  stungið inn um póstlúguna á útidyrahurðinni.   Þótt Moggi kom út  sjö sinnum í  viku er hann enn ekki orðinn dagblað. Það sem gerist síðdegis á laugardögum og  sunnudögum kemur  fyrst fyrir sjónir lesenda á mánudagsmorgni.

Einhverntíma í kringum  1970   vorum  við sjónvarpsmenn   við hafnarmynnið  í Reykjavík eftir  hádegið á  laugardegi  en  von  var á togara  til hafnar, sem hafði fengið á sig  brotsjó og laskast. Þar var líka ljósmyndari  Morgunblaðsins. Sunnudagsblaðið var þá  farið í prentun og næsta blað ekki væntanlegt fyrr en  á þriðjudag.   - Mér varð á að   segja  við  ljósmyndarann. - Þú ert að taka í þriðjudagsblaðið.  Hann tók því  fálega.

Áhorfendur   sjónvarpsins  sáu myndir af  togaranum  fáeinum klukkustundum eftir að hann kom til hafnar, en lesendur Mogga á þriðjudagsmorgni..