Tillitsleysi

   Það er alltof  algengt að fullfrískt  fólk  leggi í bílastæði ,sem eru sérmerkt og eingöngu ætluð  fötluðum. Þetta er ótrúlegt tillitsleysi. Erlendis   fylgist lögregla  með því að þessi stæði séu ekki misnotuð. 

  Þessi mynd  var tekin í Hveragerði fyrir nokkrum vikum. Þegar unga stúlkan  sem sat undir stýri  sá mig með myndavélina, þá opnaði hún  rúðuna og kallaði  til mín: " Ef þú  tekur  mynd, þá kæri ég þig fyrir áreitni !"

 

Kæran er ekki komin en hér er myndin.

Álappalegt

Gott er að þarba  virðist ætla að fara betur en áhorfðist, en að er einstaklega álappalegt að tala um "farþega bílslyss", og kalla  lesendur mbl.is þó ekki  allt ömmu sína í þeim efnum. Til dæmis hefði mátt segja  "Fórnarlömb kappaksturs á batavegi"

Farþegar bílslyss á Mýrargötu á batavegi

Munurinn...

Munurinn drengja og manna  er verðið leikfanganna!  -

" The difference between the men and the  boys is the price of their toys".

A380 sem einkaþota

Misskilningur

Í ályktun sveitarstjórnar segir"

„ Megin ástæða þess er að sveitarstjórn telur ekki nægilegan ávinning af slíkri virkjun fyrir Flóahrepp og íbúa hans né að bættur verði sá skaði sem áhrif virkjunar hefði á vatnsverndarsvæði, ferðaþjónustu, lífríki í Þjórsá og landnotkun í nágrenni virkjunarinnar.”

Ég skildi þetta þannig að sveitarstjórnin væri að beita Landsvirkjun þrýstingi.Sýnist raunar erfitt að skilja það á annan veg.

VG ályktar um virkjanir í Neðri–Þjórsá

EKKI RÉTT

  Athygli mín hefur verið vakin á því, að á bloggsíðunni "Orðið á götunni" er því haldið fram í dag, að Jóhanna  Sigurðardóttir sé eini ráðherrann, sem hafi afþakkað ráðherrabílstjóra. Þetta er ekki rétt.  Var að vísu  haft eftir Jóhönnu í blaðaviðtali fyrir allmörgum árum.

Sá  sem þetta  skrifar var  umhverfisráðherra í  ríkisstjórn Davíðs  Oddssonar  frá  30. apríl 1991  til 14 júní 1993  eða  í rúmlega  tvö ár  og  hafði hvorki ráðherrabílstjóra né  ráðherrabíl. Notaði  eigin bíl  sem  var  tvennra dyra Daihatsu Rocky jeppi   emð skrásetningarnúmerið XI 221, því miður ekki XA ! Greitt var fyrir afnot  af bílnum  skv.  reglum ríkisins. Það  geri ég  ráð fyrir að hafi   líka  gilt um   bíl Jóhönnu.

Þetta er auðvitað  smáatriði, en  fjölmiðlar hafa eins og  allir  vita ódrepandi áhuga á  bílamálum ráðherra og því er þessu  til haga  haldið.

Ofvaxið mínum skilningi

 Það er  vissulega margt, sem er ofvaxið mínum skilningi.

 Tvennt nýlegt.

 

Eitt: Ferðum SVR var á dögunum fækkað  til að  hagræða í rekstri (skiljanlegt)  og til að mæta óskum viðskiptavina (óskiljanlegt). Vildu  viðskiptavinir fækka  ferðum  og  minnka þjónustu ?

 

Annað: Fyrirtækið  Mjólka  harmar húsleit Samkeppniseftirlits hjá Mjólkursamsölunni. Var ekki sama Mjólka  tvíbúin að  skrifa  Samkeppniseftirliti og óska þess að gripið yrði til aðgerða gegn óeðlilegri samkeppni af hálfu Mjólkursamsölunnar?  Hvað er þá  svona hörmulegt  við það, að Samkeppniseftirlitið lætur  til  skarar skríða og  gerir það sen Mjólka bað um?

Ég bara spyr.