Hissa

Svolítið  varð ég hissa,  eins og sjálfsagt fleiri lesendur Morgunblaðsins þegar þingfréttamaður  blaðsins lýsti eindregnum persónulegum skoðunum sínum á    stefnu  ríkisstjórnarinnar í varnarmálum  og  gæslu loftrýmis Íslands. Björn Bjarnason dómsmálaráðherra  ræddi þessi sérstæðu   skrif og  sagði mjög svo réttilega, að fréttamaðurinn væri að efna  til  ritdeilu við  nýjan ritstjóra Morgunblaðsins.

Þingfréttamaðurinn   gefur Birni  svo olnbogaskot í  grein í  Morgunblaðinu í dag og   segir: " Dómsmálaráðherra , sem annars svarar helst ekki spurningum  fjölmiðla  öðruvísi  en í  tölvupósti....."  Og  nú  spyr  gamall  blaðamaður:  Er eitthvað  einkennilegt við það að  svara  spurningum blaðamanna í tölvupósti?  Er það ekki bara til  fyrirmyndar ? Þá  fer ekkert á milli mála. Þá er ekki spurning um   rangt sé  eftir haft.

Það var ekki  alltaf  auðvelt að ná  til  ráðherra  hér á árum áður. örugglega er það margfalt  erfiðara í dag.

Mér  finnst þetta  vinnulag   dómsmálaráðherra vera til  fyrirmyndar  og veit  reyndar að hann er einn af  fáum sem nær  ævinlega  svarar tölvupósti samdægurs. Það er líka  til  fyrirmyndar.

Það var og !

"Hvorki ökumann né farþega varð meint af veltunni og var bíllinn ökufær eftir veltuna sem varð skammt frá Suðurlandsveginum."

Ökumann varð ekki meint af  og veltan varð !

Það var og !

Dottaði undir Ingólfsfjalli

Eldur í sinu

Nútíðar-nafnháttarsýkin fer  eins og  eldur í  sinu  um málheim íslenskrar tungu. Úr ræðustóli Alþingis  var sagt í  dag: "Ég finn að skólarnir  eru að standa sig vel".  "Hver er  að  gleyma  peysunni sinni?" , sagði  starfsmaður  við  gegnumlýsingarvélina  í flugafgreiðslunni  á  Reykjavíkurflugvelli á þriðjudaginn, þegar einhver  hafði skilið  eftir treyju á  færibandinu.

Hvað má  til varnar verða?  Þeim sem  vilja láta reka á reiðanum um þróun  tungunnar finnst þetta kannski í lagi. Mér finnst það ekki og  vona að ég sé ekki einn um þá  skoðun.

Lágkúra

Þessi "mótmæli" eru ótrúlega ósmekkleg lágkúra.

Mótmæli við kínverska sendiráðið

Málfar netmiðla

 

Hér  eru  stöku sinnum gerðar  athugasemdir við málfar netmiðla/fjölmiðla. Þetta eru  vinsamlegar ábendingar um það  sem betur  mætti fara. Oftast varðar  þetta móðurmálið, íslenskuna þar sem grunnurinn virðist ekki alltaf traustur hjá þeim sem  skrifa.  En það er ekki bara  að   skriffinnum verði hált á  svelli móðurmálsins, heldur    skýst þeim stundum illilega  þegar  fréttir eru þýddar úr  erlendum miðlum.

Þannig er  ekki  langt síðan  “hið  virta stórblað” ,  svo notuð  sé alkunn fréttaklisja, Morgunblaðið, gerði  heiti  frumbyggja   Ástralíu “aborgines”  að borg í því ágæta landi,  að  ekki sé  nú minnst á  þá landsfrægu  félaga  lögreglumanninn Fake og  Búlgarann Hideout.

  

Á visir.is  var í  gær  fjallað  um bandarískan þingmann og framhjáhald hans. Þar sagði:

"Ýmislegt bendir þó til þess að hann gæti þurft að yfirgefa húsið." 

 Á ensku hefur   sennilega  staðið "leave the House"  með öðrum orðum   segja  af sér þingmennsku..  The  House  í þessu  tilviki er  nefnilega  ekki hús, heldur House  of Representatives , fulltrúadeild  bandaríska þingsins.

 

Eftirfarandi  stóð  svo á fréttavef Morgunblaðsins í morgun :

“Fréttavefur BBC hefur eftir slökkviliðsmanni í Picher að bærinn, sem ekki er stór eða 24 götur, hafi verið jafnaður við jörðu.”  Hvernig ætli  24 götu bær sé annars ?

 

Þetta stendur hinsvegar á fréttavef BBC:

“An emergencies official in Picher said a 24-street area of the town had been "virtually destroyed". Ekki mjög nákvæm þýðing.

 

Það er   merkilegt að  ritstjórar  vefmiðlanna  skuli ekki gera meiri kröfur til þeirra sem þar  skrifa  en  raun ber  vitni. Mikilvægi netmiðla  fer  hratt vaxandi á kostnað  prentmiðla og  nú eru að vaxa úr  grasi kynslóðir sem  kæra  sig  ekkert um að  fá  pappírshrúgur inn  á gólf hjá sér á hverjum  degi.

.

Þolmyndarþrugl

Eftirfarandi  má lesa  á  fréttavef  Morgunblaðsins í dag:

:“Fimm ökumenn voru teknir af lögreglunni á höfuðborgarsvæðinu í nótt grunaðir um akstur undir áhrifum áfengis.” Spurt er:  Hver tók  þessa menn af lögreglunni ?

Af hverju ekki germynd ?

Lögreglan á höfuðborgarsvæðinu handsamaði  fimm ökumenn í nótt  grunaða um ölvun  við akstur.

Úr næstu frétt á mbl.is:

“Sá sem beitti hnífnum var handtekinn af lögreglu”.

Af hverju ekki germynd?

Lögreglan handtók þann sem beitti hnífnum.

Óþarft þolmyndarþrugl.

Sagan endurtekur sig

 Flakkarar  fyrri ára    minnast þess að á Kastrupflugvelli var íslensku flugfélögunum jafnan úthlutað  stæði eins  langt  frá aðalbiðsalnum og mögulegt var, við útgönguhlið  24 eða  25.  Þangað var býsna langur gangur.  Sumir sögðu að þetta  bæri   vott um kærleik Dana í garð Íslendinga,en   aðrir sögðu að  stæðin lengst frá  biðsalnum  væru ódýrari en þau  þau sem nær væru. Minnisstæðasta  ferð mín eftir  þessum langa gangi var í janúar 1972. Þá  fór ég ganginn  langa endilangan  á hlaupahjóli með  handfarangur og  þrjár  tveggja   tommu myndbandsspólur , -sjálfsagt ein sex-sjö kíló. Vélin hafði hinkrað eftir mér  í   15 mínútur  eða  svo. Á spólunum voru upptökur   af beinni útsendingu  danska sjónvarpsins  frá útför  Friðriks konungs  IX,  þá um morguninn, sem  sýndar  voru  svo í  íslenska sjónvarpinu um kvöldið. Þá var það mikil  nýlunda  að erlent  efni   væri  samdægurs á  skjánum á Íslandi. Ég hafði lýst athöfninni í upptökunni  í danska  ´sjónvarpshúsinu um morguninn,  en þegar til átti  að taka  var  engin lýsing á   spólunni.  Danskur tæknimaður hafði tengt rangt, og ég hafði   bara verið að tala  við sjálfan mig. .Ég endurtók því lýsinguna í beinni útsendingu um kvöldið og  var raunar bara  gott að hafa fengið æfingu um morguninn ! Þetta var  nú innskot. En á   Reykjavíkurflugvelli endurtekur  sagan sig með  öðrum formerkjum. Þotur  færeyska flugfélagsins Atlantic Airways eru jafnan   settar  eins  langt frá  afgreiðsluskúrunum og mögulegt  er. Oftar en ekki þurfa farþegar að ösla polla og berjast á  móti  eða hrekjast  undan  suðaustan rokinu og rigningunni. Svona  endurtekur sagan sig. Þetta stendur þó  vonandi  allt  til bóta með nýrri  samgöngumiðstöð við flugvöllinn, -  flugvöllinn  sem  vonandi   fær að  vera í friði til frambúðar.

Málfar í vikulokin

Einu sinni þótti fínt að sletta  dönsku. Nú þykir það hálfhalllærislegt. Nú þykir hinsvegar  sumum fínt að sletta ensku.  Við  þurfum að gera það hallærislegt sem það er. Oft sletta þeir mestri  ensku sem  minnst kunna fyrir sér í því annars ágæta máli.

Var að enda við að  hlusta á þáttinn  Í  vikulokin á  RÚV. Heyrði reyndar bara  síðustu  15 mínúturnar eða  svo.  Þar  var talað um  "óþarfa  risk", Björn  Bjarnason   væri mest "efficient  " allra   ráðherra undanfarin   20 ár, sem ég dreg  hreint  ekki í  efa.  Svo var  talað um "neighbourhood watch".   Er  fólk að  missa   tökin á móðurmálinu?  Af hverju var  ekki  sagt "óþörf áhætta", "dugmestur","duglegastsur"  eða "afkastamestur" og  "grannagæsla",  eða "grannagát"sem  er  prýðilegt orð  yfir það sem á ensku   er kallað "neighbourhood  watch".

Ambagan  að  ganga "milli  Pontíusar og  Pílatusar" heyrðist líka í þessum hætti. Maður  hét  Pontíus Pílatus, en   að fara erindisleysu  frá  einum embættismanni  til annars er að fara frá Heródesi Pílatusar, ekki satt?

Það var og !

Þetta minnir  á spaugöguna um  stjórnarmanninn í Skallagrími h.f.,  sem  rak  Akraborgina  á sínum tíma. Hann var  spurður hvernig  reksturinn gengi. "Alveg ljómandi vel,"  var  svarið -   "Nema  fjárhagshliðin"

Öll meginmarkmið með Grímseyjarferju náðust

Löghlýðin þjóð ?

 Auðvitað erum  við Íslendingar löghlýðin þjóð. Það væri nú annaðhvort. En við erum líka  býsna slyng að  fara  í kringum lögin,  þegar okkur ekki líkar  efni laganna. Það er bannað að auglýsa áfengi.  Daglega   dynja á okkur bæði í blöðum og sjónvarpi bjórauglýsingar með tælandi  texta og myndum sem  lofa ágæti bjórs.Okkar fremsti leikari  les  textann,sem eykur enn áhrifin.  En  til þess að allir viti að ekki verið er að  auglýsa áfengan  bjór  birtist orðið “léttöl” í  2 eða  3 sekúndur  með örsmáu letri  í einu skjáhorninu.  Löglegt? Efamál. Það er líka bannað  að setja upp auglýsingaskilti  við þjóðvegi landsins.  Fyrirtæki  fara í kringum þetta bann með því að leggja   merktum  bílum   sínum með máluðum  auglýsingaskiltum á hliðum við  fjölförnustu þjóðvegi  til og  frá  höfuðborginni og  raunar  víðar. Löglegt? Efamál. Það er líka bannað að tala í síma í akstri. Það er ekkert  hægt að fara í kring um það. Ótrúlega margir  ökumenn láta samt  eins og þetta lagaboð,þessi mikilvæga öryggisregla  eigi  ekki við í þeirra tilviki og  blaðra í bílsíma með hálfan huga  við aksturinn. Nú er til ágætis handfrjáls búnaður sem ekkert  er að því að nota  og ýmsir   vissulega  notfæra sér. En það er svolítið sérkennilegt að horfa á menn  og konur  aka  um götur borgarinnar   16 milljón króna  jeppum  sem   greinilega haf ekki haft ráð á því að kaupa  handfrjálsan búnað. Lögreglan er of lin við að taka á þessum lögbrotum.