Stórfrétt !

Mikil er  gúrkutíðin ef það  telst fréttnæmt að krakkar kasti  snjóboltum í bíla. Þetta  var mikið  sport í  Reykjavík í gamla daga. Ef  ökumenn eru  svo trekktir að hætt er  við að þeir  missi  stjórn á  ökutækinu ef krakki kastar í það  snjóbolta, þá ættu  þeir kannski alls ekki að  aka  bíl.

Köstuðu snjóboltum í bíla

Kirkjan í kapphlaupið

Það hefur verið kapphlaup hjá landeigendum, einkum sunnanlands ,að  skipuleggja landssvæði undir  sumarhúsabyggð. Nú  er kirkjan komin í kapphlaupið eftir fréttum að dæma. Langt er þá seilst til að krækja í krónur handa kirkjunni.

Það  svo ótrúlegt ,að nánast undir  kirkjuvegg  Skálholtsdómkirkju eigi að skipuleggja  sumarhúsabyggð, að maður  næstum klípur  sig í handlegginn til að ganga úr skugga um að maður heyri þetta í vöku en ekki í draumi.

Á hvaða leið er kirkjan?

Er nema von að spurt sé.

 

 

 

Sérkennilegt

Sérkennilegt er,að fréttastofa  Sjónvarpsins skuli ekki greina á milli gamalla og nýrra mynda í fréttum. Í fréttatímum  erlendra stöðva  eru  safnmyndir  merktar sérstaklega  ("library pictures"),þegar þær  eru  sýndar,  til aðgreiningar frá  nýjum , áður ósýndum fréttamyndum.

Ríkissjónvarpið  sýnir  okkur  sömu gömlu safnmyndirnar  stundum  tvisvar í sama  fréttatímanum án þess að  geta þess að um  nokkura   daga  eða  vikna  gamlar myndir  er að   ræða. Þetta hefur  verið einkar áberandi í fréttum  af   málum Orkuveitu Reykjavíkur og  fréttum af Kárahnjúkavirkjun.

Það væri heldur til bóta,ef þessu væri breytt.

 

 

 

 

Þetta er  sennilega  ekki það  sem  flokkast undir  fagmennsku, -  eða hvað ?

Kjósa hvað?

Ýmsir skriffinnar á bloggsíðum hrópa nú  hátt um að kjósa eigi að nýju  til  borgarstjórnar í Reykjavík. Þótt ekki sé  ég lögfræðingur,þá veit ég ekki betur , en  lögbundið sé að kosið sé  til sveitarstjórna  síðasta laugardag í maí (nema það sé  laugardagur fyrir Hvítasunnu) á fjögurra ára fresti. Allt  tal um nýjar kosningar er því út í hött, -- eða hvað ?

Léleg fréttaþjónusta

 Af gömlum vana   les ég netútgáfur  China Daily og    People´s  Daily  eða  Dagblaðs  alþýðunnar. Undanfarna daga hef ég svipast um  eftir  fréttum af  heimsókn  forseta Íslands  til Kína, en þar er hann skv. fréttum  í boði  Hu Jintaos  Kínaforseta.Mér  hefur ekki tekist að  finna  staf um heimsókn forsetans.Kannski hefur það farið  framhjá mér.  Hinsvegar er skilmerkilega frá því greint, að Hu Jintao forseti   hafi í  tengslum við Olympíuleika fatlaðra átt  fund   með  Timothy Shriver og Eunice Kennedy Shriver en  hún  átti frumkvæðið að Olympíuleikum  fatlaðra.Ég verð að segja  eins og  er, að mér  finnst þetta léleg fréttaþjónusta hjá  Kínverjum.

1644 og 1944

Fyrir nokkrum kvöldum, er ég var að bíða eftir  að horfa á  færeysku eða íslensku  sjónvarpsfréttirnar vafraði ég inn á  danska  rás  þar sem  spurningaþætti var að ljúka.  Þetta var  "Viltu  vinna  milljón?" þáttur og  fyrir svörum sátu  feðgin. Hann á miðjum  aldri. Hún um tvítugt.

Spurt var: Hvenær  sögðu Íslendingar sig úr lögum við  Dani og  stofnuðu lýðveldi. Gefnir  voru  fjórir  svarmöguleikar: a) 1644, b)1744 c) 1844 og d) 1944.

Feðginin  stóðu á gati. Þau  "hringdu í vin", afa, minnir mig. Hann var engu  nær. Gat engu svarað. Þá  brugðu þau  á  það  ráð  að  fækka   svarmöguleikum í tvo.  Eftir  stóðu ártölin. 1644 og  1944.

Eftir langa  umhugsun svöruðu  feðgin , að  Íslendingar hefðu stofnað lýðveldi 1644.

Þannig  var nú það.