Ekki staðkunnugur

"Tíu tonna bátur sem strandaði í innsiglingunni við Garð í Gerðahreppi ". Hér  hefur sá sem skrifaði  fréttina  ekki rætt  við  staðkunnugan mann og þekkir er  ekki til  staðhátta  sjálfur.  Það er  ekkert til sem  heitir innsiglingin  "við Garð  í Gerðahreppi".

Gæti báturinn hafa  strandað  á Gerðahólmanum á leið  að  bryggjunni í Gerðum í  sveitarfélaginu Garði ?

Bátur strandaði við Garð í Gerðahreppi

Misnotkun

Misnotkun á börnum er með ýmsum hætti. Við  sáum  eina  mynd  misnotkunar í fréttum í kvöld er átta ára stúlka  flutti  ræðu á  Austurvelli , -  ræðu sem hún viðurkenndi að faðir hennar hefði  hjálpað henni að semja.

Það ætti að varða  við lög að nota  börn  með þessum hætti. Alveg sama hver málstaðurinn er.

Þetta var einstaklega ógeðfellt.

Mótmælt á Austurvelli

Afeitrun við Mývatn

Það er  góðra gjalda vert að hleypa  af stokkunum  nýjum verkefnum á landsbyggðinni eins og  athafnakonan Jónína Benediktsdóttir er  að gera við Mývatn.  En hversvegna  að kalla  það sem þarna verður í  boði “Detox”?  Þessi  sletta er stytting á  enska  orðinu  “detoxification”, en   það  heitir  á íslensku  afeitrun, gegnsætt orð og  gott.  Er ekki  tilgangurinn með  stólpípumeðferðinni einmitt sá  að hreinsa  eiturefni úr meltingarvegi og   líkama. Er það ekki  afeitrun ?  Kannski  þykir  einhverjum  fínna   að nota enskuslettu   um þessa innanhreinsun.Einkennilegt  þótti mér   líka  að  í sjónvarpsfréttum RÚV var  forsetafrúin   virðuleg kynnt  sem  einskonar  markaðsstjóri eða  verndari   þessarar  stólpípumeðferðar norður  við Mývatn. Það var ekki sagt einu sinni heldur  þrisvar  að  þetta  framtak   Jónínu nyti blessunar  forsetafrúarinnar.Þarna er  forsetaembættið enn einu sinni  á hálu svelli   og ætti að athuga sinn gang. Kannski verða  forsetahjónin þau  fyrstu  sem  notfæra sér þessa nýjung við Mývatn.  Frá því verður  áreiðanlega   skilmerkilega sagt í fréttum,ef  til kemur.  

Ekki ein báran stök

Hay-Adams hótelið í  Washington DC   er ekki sögulegt. Það er  hinsvegar  sögufrægt, -- sem er allt  annað. Hvar er móðurmálskunnáttanna, ágætu Moggamenn?

Óvígður Obama

Bandaríkjaforsetar eru ekki vígðir. Biskupar eru vígðir. Bandaríkjaforsetar sverja embættiseið.

Styttist í embættistöku Obama