Áhyggjur norrænna blaðamanna !

 Ekki gefur undirritaður mikið  fyrir   pantaða yfirlýsingu frá norrænum blaðamönnum um íslenska fjölmiðla. Ekki sendu þeir  frá sér áhyggjuyfirlýsingu, þegar stjórnvöld í löndum sumra þeirra neituðu að greiða út lán  til okkar, sem lofað hafði  verið. Neituðu að greiða  lánið, nema  viss  skilyrði væru uppfyllt. Ekki höfðu norrænir blaðamenn  minnstu  áhyggjur af því.

 Hitt er svo annað mál  að nú er  Mogginn orðinn  svo  ómerkileg flokkspúta, að hann er varla lesandi lengur. Fréttamatið rammpólitískt. Mogginn er  hrunblað  aðalhrunflokksins. Við sem höfum keypt  Moggann lengi eigum betra skilið. Á mínu heimili verður áskriftinni  sagt upp í  lok þessa árs, -ef ekkert breytist.

PS Dæmi  um hið pólitíska fréttamat er á bls. 2 (02.12.2009). Fréttin um að   Sjálfstæðisflokkurinn beri allra flokka  mesta  ábyrgð á hruninu er  pínulítill eindálkur  neðst í hægra horni, með fyrirsögninni: Bankarnir bera mesta ábyrgð.  Nokkuð til í því  vegna  þess að  Sjálfstæðisflokkurinn og Framsóknarflokkurinn veittu  bankavinum sínum  umboð til að gera það það sem þeir gerðu.

Áhyggjur af fjölmiðlum hérlendis

Athugasemdir

[G. Valdimar Valdemarsson, 2.12.2009 kl. 10:54]

Var Samspillingin ekki í ríkisstjórn með íhaldinu þegar allt hrundi?   Og hélt því fram alveg fram á síðasta dag að hér væri allt í himnalagi.  Og hækkaði fjárlög um yfir 20% á sínum skamma valdatíma.  

Hvenær ætlar þú að horfa á söguna eins og hún er í stað þess að gera sífellt tilraun til að skrifa hana upp á nýtt?

[Ágúst Ásgeirsson, 2.12.2009 kl. 11:43]

Samþykkt norrænu blaðamannafélaganna er í sjálfu sér saklaus og dæmigerð þegar félagasamtök vilja sýna hvert öðru samstöðu. Klásúlan um Morgunblaðið er helst gagnrýniverð - og er alla vega sá angi hennar sem gæti fallið undir þá skoðun þína að þetta sé allt pantað ofan af Íslandi.

Ef einhverjir telja þá klausu réttmæta hljóta hinir sömu finna að því að í hana hafi vantað, að einn af helstu leikendum í hruninu á marga af helstu fjölmiðlum landsins! Það rýrir allavega samþykktina, að mínu viti.

Svo finnst mér þetta dæmi þitt um pólitískt fréttamat vera tittlingaskítur. Ef blaðið er "ómerkileg flokkspúta" þá hefði það ekki birt fréttina! Spurningin er miklu heldur þessi: af hverju kom ekki kratinn sem á bak við fréttina stendur henni á framfæri við blaðið? Hún er tekin upp úr kvöldfréttum útvarpsins. 

[Eiður Svanberg Guðnason, 2.12.2009 kl. 11:45]

G. Valdimar,

Ég horfi á  söguna  eins og  hún   er.  Hvarflar ekki að mér að draga úr ábyrgð  Samfylkingaruinnar, þann skamma tíma  sem hún álpaðist til að sitja í ríkisstjórn með aðalhrunflokknum, sem upphaflega skuldbatt þjóðina í Icesave málinu sl.  haust. Þar er ekkert verið að skrifa  söguna upp á nýtt. Bara  greina frá  staðreyndum,sem ótrúlega margir Sálfstæðismenn neita að horfast í augu við meðan þingmenn  þeirra flytja  sjötíu ræður um að þeim komi þetta ekkert við, - beri enga ábyrgð.  Þeir  draga þingið  með sér niður í svaðið. Þeim hefur  tekist býsna  vel upp.

[Ferningur, 2.12.2009 kl. 12:53]

Og það sama sögðu Davíð og félagarnir í bönkunum þegar útlendingar vöruðu við efnahagsástandinu hér um árið.

[Einar Guðjónsson, 2.12.2009 kl. 13:08]

Þú hefur ekkert fyrir þér um að ályktun þessi sé pöntuð. Það kann vel að vera að hægt sé að panta viðvik hjá íslenskum þingmönnum, sendiherrum og blaðamönnum eða samtökum þeirra. Um það veist þú miklu meira en við hin.

Held að þetta séu eðlilegar áhyggjur og ef þú situr t.d. Pútín í stað Davíðs og lætur eins og fréttin sé um fjölmiðla þá sjá allir hver taklaus þessi ráðning er. Bæði hjá Davíð og ekki síður hjá eigendum blaðsins. Sýnir sig best að enn er  ekki frétt um þessa ályktun á Mbl.is.

[Einar Guðjónsson, 2.12.2009 kl. 13:11]

Afsakið en þetta er rangt hjá mér að fréttin um ályktunina hafi ekki birst á www.mbl.is.

Var leiddur inn í pistilinn inn af www.eyjan.is. Beðist er velvirðingar á þessu. 

[Eiður Svanberg Guðnason, 2.12.2009 kl. 15:12]

 Auðvitað lesa norrænir blaðamenn  Moggann og  Fréttablaðið  daglega, sennilega  DV líka og  Horfa  og hlusta á RÚV og  Stöð tvö.  Annars hefðu þeir ekki sent þessa ályktun.

[Svavar Bjarnason (IP-tala skráð) 2.12.2009 kl. 15:37]

Fullkomlega réttmæt og eðlileg ályktun frá norrænum blaðamönnum.

[Örn Johnson ´43 (IP-tala skráð) 2.12.2009 kl. 16:18]

Ágæti Eiður. Þú gætir aldrei lifað án Moggans, það veistu vel. En auðvitað getur þú sagt honum upp og gert svo eins og margir gerðu: Pöntuðu áskrift í nafni barna sinna eða eiginkonu. Svo fæst hann í næstu verslun. Þegar Davíð varð ritstjóri pantaði ég sex áskriftir handa sonum mínum og þeir eru allir mjög ánægðir með það. Lesa meira að segja Reykjavíkurbréfið og leiðarana !

[Einar Guðjónsson, 2.12.2009 kl. 19:58]

Það er alveg klárt að áskrifendum Moggans hefur fækkað mikið, hef notað tækifærið þegar ég hef rekist á blaðbera. Hef hitt eina 5 af fjölmörgum og margir þeirra eru með stór hverfi, s.k. atvinnumenn. Í sumum hverfum hefur áskrifendum fækkað um helming en víða líka um fáa. Nefndu þeir við mig helst hverfi þar sem margir s.k. eldri borgarar búa en þar hefur áskrifendum fækkað  lítið. Í öllum hverfum hefur orðið fækkun og enginn

nefndi að fjölgað hefði áskrifendum eftir 1. 10. 2009 . Þá hefur seldum eintökum í lausasölu fækkað í þeim söluturnum þar sem ég kem. Það hefði verið gaman að hafa Morgunblaðið áfram en tuttugogfimmþúsund áskrifendur og 15% auglýsingahlutfall dugir ekki til að blaðið lifi. Ef fram heldur sem horfir þá fækkar útgáfudögum í 3 á viku eftir áramót og svo lognast það út af með vorinu. Nema auðvitað Örn kaupi fleiri þúsund áskriftir en það fjölgar sennilega ekki auglýsingunum

[Einar Guðjónsson, 2.12.2009 kl. 20:29]

Örlítið meira um auglýsingamarkaðinn en ég taldi í Morgunblaðinu í dag 8 og hálfa auglýsingasíðu og inn í þeirri tölu eru t.d. auglýsingar leikhúsa og bíóa sem allir vita að ekki er borgað fullt fyrir. Að auki voru svo auglýsingar frá Morgunblaðinu 2 og hálf síða.

Blað dagsins er 40 síður.

Fréttablaðið hefur 48 auglýsingasíður í dag og er samtals 64 síður. Ég er auglýsandi  og veit fyrir víst að Morgunblaðið býður 20% lægra verð í dag heldur en í fyrra. Auglýsingaverð í Fréttablaðinu er hærra meira að segja miklu hærra og Fréttablaðið er að tapa. Það er því full ástæða til að hafa áhyggjur af ástandinu hér per se, alveg óháð því hvað ritstjórinn heitir sem minnkað hefur söluna á Morgunblaðinu.  

[Agla (IP-tala skráð) 2.12.2009 kl. 21:16]

Brugðust norrænir blaðamenn starfsskyldu sinni með því að senda EKKI " frá sér áhyggjuyfirlýsingu þegar stjórnvöld í löndum sumra þeirra neituðu að greiða út lán til okkar, sem lofað hafði verið. Neituðu að greiða lánið nema viss skilyrði væru uppfyllt."?