Tvískinnungur og rökleysur á Bessastöðum

   Orðréttar  tilvitnanir í ummæli Ólafs Ragnars Grímssonar  á blaðamannafundinum   sl. sunnudag sýna hvernig  tvískinnungur  og rökleysur ráða nú ríkjum á Bessastöðum.  Forsetinn heldur    líklega að  upp til hópa séum við kjánar og þess vegna sé í lagi  að tala  til okkar í ósamrýmanlegum þversögnum. Það gerði hann á sunnudaginn var.

 Á blaðamannafundinum sl. sunnudag  sagði Ólafur Ragnar Grímsson orðrétt: „Auðvitað er það ekki forsetaembættisins að vera einhverskonar matsstofnun á áreiðanleika slíkra undirskriftasöfnuna (svo!) eða vera einhverskonar fræðastofnun, sem metur það."   Skýrt. Forsetaembættið er engin eftirlits- eða matsstofnun.  En, -  svo   bætti forseti lýðveldisins við: „En við gerðum hinsvegar  ákveðna  svona könnun". Allt í einu er forseta embættið  orðið það sem var  ekki fyrir sekúndum síðan , matsstofnun . Forsetinn hélt áfram: „ Við ákváðum að hringja í fleiri  sem höfðu skráð sig  heldur en aðstandendur könnunarinnar gerðu. Ég ætla ekki  að fara að nefna  tölur í því, en það voru sem sagt fleiri en þeir hringdu í sjálfir.og ef ég  færi að nefna tölur , þá  væri eins og við  værum einhver  fræðileg  stofnun til að meta  þetta, en ég get hinsvegar  sagt það hér og  við náðum í svona þorrann af þeim, sem  við reyndum að hringja í og 99% af þeim sem við náðum í, játuðu því að þeir hefðu sett nöfn sína á þessa lista. Það er satt að segja  hærra hlutfall, sem  kom fram í okkar  athugun ( Innskot mitt: En við erum auðvitað ekki neinn athugunaraðili !)   heldur en þeirri athugun ,sem  aðstandendur könnunarinnar framkvæmdu.  Við hringdum bæði í fleiri og jásvara hlutfallið var hærra. Þeir voru með  93% og við vorum með  um það  bil 99%. Ef ég  færi að gera það (Innskot mitt: Nefna tölur. Segja frá því í hve marga var hringt) Nei, ef ég gerði það  þá væri eins og við værum einhver  formlegur eftirlitsaðili. (Innskot mitt Halló!  Tölurnar skipta ekki máli. Það sem skiptir  máli er að það var hringt og þar með var  forsetaembættið  búið að  taka að sér  eftirlitshlutverk.)

   Forsetinn hélt svo áfram:„ Mér finnst hinsvegar rétt vegna þess að ég vil bara segja frá  málinu að við vildum svona í ljósi umræðunnar er hafði farið fram, við höfum ekki gert það áður, - í ljósi umræðunnar kanna  það vegna þess líka að þeir hringdu ekki í mjög marga, eða þeir hringdu í eitt hundrað eða svo. Við  tókum sem sagt slembiúrtak  (Innskot mitt:  Við sem  vorum hvorki eftirlits mné  matsaðili !)

   Forsetinn neitar að gefa upp í hve marga var hringt. Hann neitar líka að gefa upp hverjir   framkvæmdu þessa könnun   fyrir  forsetaembættið. Morgunblaðið sagði (21.02.2011)  að könnum  hefði verið framkvæmd af  „starfsmönnum  skrifstofunnar og aðilum þeim tengdum". Voru  fjölskyldur  starfsmanna notaðar til verksins?  Hverskonar  rugl er þetta ? Hvervsgena þessa leynd.  Af hverju má þjóðin ekki vita í hve marga var hringt?  Hversvegna þennan leyndarhjúp? Er þarna eitthvað, sem ekki þolir  dagsbirtu og verður því að leyna ?  Þeir sem  voru  samferða   Ólafi Ragnari á Alþingi  eru ýmsu vanir  af hans hálfu.  En það er ótrúlegt að  forseti landsins  skuli  bjóða íslenskri  þjóð upp á  svona  rakalaust  bull. Það  gæti líklega hvergi gerst nema  á  Íslandi og   líklega mundi enginn þjóðhöfðingi annar  í lýðræðisríki en Ólafur Ragnar Grímsson  leggjast  svona   lágt. Og þetta sitjum við uppi með.

Athugasemdir

[Jón Ágúst (IP-tala skráð) 22.2.2011 kl. 08:57]

Já það er von að þú spyrjir , af hverju þessa leynd, þú ættir þú nú að þekkja það úr herbúðum þinna samflokksmanna í ríkisstjórninni svo ég tali nú ekki um Vinstri græna, lygar , blekkingar og ógagnsæi eru þeirra ær og kýr , svo þykist þetta pakk vera að vinna fyrir fólkið í landinu , sveiattan.

Það er hið besta mál að Forsetinn tók þessa afstöðu, verður til þess að ríkisstjórnin verður að hrökklast frá völdum  fyrr en þig grunar. 

[Gunnar Th. Gunnarsson, 22.2.2011 kl. 10:08]

Þetta er léttvægt aukaatriði hjá þér, Eiður, oft kallað "tittlingaskítur".

Þó forsetaembættið hafi tekið einhverja stikkprufu úr undirskriftalistanum, þá getur hann að sjálfsögðu ekki kalla það fræðilegt mat. Þess vegna orðar hann þetta á varfærnislegan hátt. Þessi "stikkprufa" var gerð vegna háværra radda um að ekkert væri að marka undirskriftalistann.

Skoðanakönnunin sem gerð var eftir ákvörðun forsetans var afar athyglisverð og sýnir að fylgismenn Samfylkingarinnar er "hjarðhugsunarflokkur", ekki bara í þessu máli, heldur einnig í ESB málinu.

[Agla (IP-tala skráð) 22.2.2011 kl. 15:34]

Þessi færsla sýnir vel hvaða hug þú berð til  núverandi Forseta Íslands, þó rökin og framsetningin hefðu getað verið skýrari.

Sem betur fer erum við kjósendur orðin ýmsu vön af ykkur fyrrverandi og núverandi valdamönnum þjóðarinnar, kosnum eða skipuðum, og erum farin að þekkja þefinn af bullinu.

[Þorsteinn Siglaugsson, 22.2.2011 kl. 17:22]

Þú ert nú meiri bullukollurinn. Ef ég fer að kaupa mér bíl og fæ að prófa hann fyrst, er ég þá orðinn einhver eftirlitsaðili? Það er auðvitað bara sjálfsagt að embættið geri óformlega athugun á því hvort eitthvað sé hæft í þeim yfirlýsingum að ekkert hafi verið að marka undirskriftasöfnunina. Forsetinn hefði auðvitað ekki þurft að gera þetta, en til öryggis gerði hann það. Hvað er að því?

[Eiðu (IP-tala skráð) 22.2.2011 kl. 17:28]

  Þorsteinn,  ég gerði aðeins   athugasemd  við að  fyrst margsagði bullukollurinn á Bessastöðum að  forsetaembættið  væri engin eftirlits-  eða matsstofnun   á skoðanakönnunum, en   lét  svo embættið  og  tengda  aðila að sögn Mbl. kanna og meta  undirskriftir  einhvers ótiltekins fjölda.  Í þessu   er þversögn  sem  ekki  gengur upp.

Mikið er  gott að þú skulir vera  svona þefnæm, frú Agla. Ég hálf öfunda þig.

[Þorsteinn Siglaugsson, 22.2.2011 kl. 17:40]

Er þetta svona óskiljanlegt? Er hver sá sem skoðar eitthvað orðinn að eftirlitsstofnun? Nei, vitanlega ekki!

[Eyjólfur G Svavarsson, 22.2.2011 kl. 23:51]

Þetta er nú Jafn Barnalegt og spurningarnar frá henni RÚV stúlkunni. .....Hagalín, sem var með grátstafinn í kverkunum, þegar Forsetinn var búinn að klappa henni á kinnina með mjúkum svörum sínum!!!!!!

[Loftur Altice Þorsteinsson (IP-tala skráð) 23.2.2011 kl. 14:42]

Þessi pistill þinn Eiður er gott dæmi um hvernig menn geta gert sig að ómerkingum með innihaldslausu orðagljálfri. Raunar varstu búinn að fá kjána-stimpilinn fyrir löngu. Þú segir:

 

»Orðréttar  tilvitnanir í ummæli Ólafs Ragnars Grímssonar  á blaðamannafundinum   sl. sunnudag sýna hvernig  tvískinnungur  og rökleysur ráða nú ríkjum á Bessastöðum.«

 

Hægt er að gagnrýna Ólaf Ragnar Grímsson fyrir ýmislegt, en »tvískinnungur og rökleysur« eru ekki þar á meðal og á það sérstaklega við um ákvarðanir forsetans í Icesave-málinu. Öllum heiðarlegum mönnum ber saman um að röksemdafærsla Ólafs Ragnars hafi verið staðföst og skotheld.

 

 

[Guðjón Sigþór Jensson, 26.2.2011 kl. 22:08]

Ýmsir hafa verið uppi með vangaveltur hvort Ólafur forseti hafi vikið þingræðisreglunni til hliðar. Þingræði var innleitt með stofnun Stjórnarráðsins 1904 og ætíð verið viðurkennt sem einn af hornsteinum stjórnskipunarinnar. Með þingræði er átt við að meirihluti þings ræður. Í þessu Æseif máli, eins og Kristján Hreinsson Skerjafjarðarskáld vill nefna þetta fyrirbæri, þá voru 70% þingmanna meðfylgjandi þessari lausn. Þjóðin vill leysa þetta mál á þennan hátt og þessir útúrsnúningar eru ekki til góðs og leiða ekki til neinnrar skynsamlegrar niðurstöðu. En það kann að vera önnur saga.

Mér finnst eins og fáir hafi viljað tjá sig um hvort með neitun forseta á undirritun og þar með staðfestingu Æseifslaganna, hefði farið þvert á þingræðið.

Spurningin  er opin: var forsetinn að taka fram fyrir hendurnar á þingræðinu?

Mosi